O QUE FACEMOS NO ASEO
Seguimos reforzando os hábitos saudables traballados nas tres primeiras unidades de Ciencias Naturais dende a área de Educación Física.
Adicamos sempre 10 minutos da clase de educación física para poñer en practica os coñecementos sobre aseo persoal adquiridos na área de Ciencias Naturais.
Isto foi o que nos contaron os alumnos/as de 5º e 6º:
"Cando facemos educación física saímos 10 minutos antes para facer o aseo e traballar hábitos saudables. O aseo consiste en coller o noso neceser e quitarnos as camisetas no baño. Logo lavamos con auga e xabón os sobacos, as mans e a cara. Despois secámosnos cunha toalla pequena. Cando rematamos cambiamos a camiseta suada por unha nova.
Por último, recollemos todo e falamos cos nosos compañeiros e compañeiras sobre o que nos pareceu a clase."
Ainhoa, Aitana, Emilia, Luisma e Dani.